GRILLAÐAR KJÚKLINGABRINGUR OG OFNBAKAÐ GRÆNMETI

*** Grillaðar kjúklingabringur og ofnbakað grænmeti og kartöflur ***

Kvöldmaturinn í gær var rosalega góður.

Átti kjúklingabringur inn í ísskáp og fullt af grænmeti.  

Ákvað að gera eitthvað gott úr því og það tókst svona svakalega vel :)

Það sem þarf: 

#Kjúklingabringur

#sætar karftöflur

# venjulegar kartöflur

# laukur (rauður eða venjulegur)

#sveppir

#annað grænmeti

#matreiðslurjómi

# góður ostur fyrir sósuna (ég notaði Jalapeno ost sem ég átti)

#2 hvítlauksgeirar

#kókosolía

#gott salat

Grilluðum kjúklingabringur á fallega litla grillinu okkar.

Skar kartöflurnar, sveppina, og laukinn í stóra bita (munnbita) og raðaði í eldfast mót. Það má setja annað grænmeti með eins og ég átti papriku sem ég setti með.  Hvítlauksgeirarnir skornir smátt og settir í skál með olíu og vatni í.  Það má líka bæta við smá kanil í teskeið (ekki of mikið) og setja út í ég gerði það og það var rosalega gott.  Síðan er þessu penslað vel á grænmetið.  Hitað í ofninum í 40-50 mín við 220°hita.

Sósan mjög einföld ostur bræddur saman við rjóma í potti.  Hún heppnaðist vel þrátt fyrir að ég var að testa jalapeno ost í fyrsta skiptið í sósugerð. Mæli með honum :)

-GL-